Monday, March 31, 2008

خواطر قبل الاضراب



"انه مجرد اضراب"

هكذا يجب أن نرى ما سيحدث يوم 6 أبريل .. انه ليس عصيان مدني ولا ثورة شعبية

ولا اعتقد أن مبارك سيسقط يوم 6 ابريل

اتمنى وتتمنون ان يسقط .. ولكن ما نيل المطالب بالتمني يا شعب مصر

هو اضراب إذن .. ما هو هدفه؟؟

قرأت الكثير من الرسائل الالكترونية تدعوني للاضراب والانخراط في حركة الشعب

.. لكن ما هي حركة الشعب

تتحرك في اتجاه ؟

ما هو مطلبنا؟

من اجل الوقوف ضد الغلاء ، أجور عادلة ، تعليم جيد ، وقف التعذيب

هذه من وجهة نظري هي الاسباب التي فجرت الدعوة للاضراب وليست اهدافه

اهداف الاضراب ينبغي ان تكون نقطة تنفيذية محددة .. أقول لكم تعالوا ندعو لاسقاط حكومة نظيف

هدف واحد محدد وجميل ويمكن ان يكون هو محور صراعنا مع النظام


طيب .. مبارك سيرفض بعناده المشهور

ماذا سنفعل بعدها ؟

علينا ان نكون محددين .. ومخططين ... لقد قرأت جملة ضايقتني كثيرا في احد دعوات الاضراب

"اننا سنستمر في الاضراب والاحتجاج فيما بعد 6 أبريل حتى ينصاع صانعو القرار في مصر لارادة شعب مصر "

طيب .. إذن هو اضراب لاجل غير مسمى

وهذا غير منطقي ولن يجد نفسا طويلا من الجموع لتمارسه

ثم ما هي ارادة شعب مصر التي تطالبوا صانع القرار بتبنيها ؟

أن يرحل مبارك؟

إذن فقد بدانا بالأصعب ومبارك لن يتحول لملاك فجأة فينصاع لارادة شعب مصر ويحمل عصاه ويرحل

هو يدرك حقيقة اننا شعب يتيم .. ليس ليه حركة سياسية وليس لديه بدائل تحل محله

إذن لنكن واقعيين .. خطوة .. خطوة .. نعرف كيف نتحرك والى اين تذهب بنا كل خطوة

ونعرف اننا مازلنا ننتظر جولة جديدة مع مبارك .. سيكون موعدها اما عند الانتخابات الرئيسية المقبلة ، او الانتخابات النيابية المقبلة ، او عند موت مبارك

وعلينا ان نستعد بأن يكون لدينا بديل وطني يستطيع الناس ان يتجمعوا حوله

اذن 6 ابريل هو :

اضراب يوم واحد سنختبر فيه ان كان حقيقيا انه اضراب رواد النت كما يعتقد البعض أم انه اضراب شعبي

اضراب يوم واحد للتجربة على امكانيات الاضراب عندنا

ولو قدر لنا سنعود لبيوتنا لنعود مرة أخرى ربما بعد شهر .. أسبوع .. حسبما نحدد لنواصل ضغوطنا وينضم الينا ناس جديدة
وارجو ان نحدد مطلبا لنتباه وليكن تغيير حكومة احمد نظيف
اعرف مثلكم انه مجرد اراجوز .. ليس له سلطات .. لكن اذا حدث ونجحنا في اسقاطه .. فها قد نجحنا .. في مسألة صراع الارادات

مصر تحتاج حركتنا وشجاعتنا في 6 ابريل ، وتحتاج كذلك ان نتحلى ببعض الدأب مع بعض النفس الطويل .. والاصرار والصبر





15 comments:

MariumaZ said...

أنا عن نفسي مع الإضراب ومش حتحرك من بيتنا خالص اليوم ده ولا امارس أي نشاط

معرفش يا حنان بس هل شوفتي قبل كده فيلم
fight club
بتاع براد بيت وإدوارد نورتون ... كانت فكرته صايعة أوووووي... إن الفئات العاملة كلها اللي محدش بيحس بيها بس في نفس الوقت منقدرش نستغنى عنها أعلنت العصيان على كل اللي اعلى منهم وأنشئوا نادي مسائي بينفسوا فيه عن غضبهم بالضرب وبيخططوا كل اللي حيهيد كبارات البلد
من الناس دول عامل النظافة، الجارسون، طالب الجامعة، السواق، النجار... وهكذا
أنا بس نفسي إن الإضراب ده يوصل للناس الغلابة اللي غالباً ما بيكونوا يجهلوا أي شيء عن معنى إضراب وشايفين إنه ممكن يضرهم أكتر مما هما في ضرر
أغلب مصر فقراء وجهلاء.. فئة المثقفين قليلة جداً... علشان يتم إضراب حقيقي لازم نوصل للفئات الأقل ويعرفوا إن ده في مصلحتهم ومصلحة البلد... قبل ما تضيع اكتر من كده
إحنا عاملين زي الشخص اللي بيغرق دلوقتي... المية خلاص غطت بقنا ومش فاضل لنا غير جزء بسيط من مناخيرنا بنتفس بيه علشان ما نموتش
ربنا معانا ومع كل اللي حيقوم بالإضراب

صوت من مصر said...

يا حنان هضرب فين
مش عارف اصل البيت مفهوش حد يضرب
ههههههههههههه
انا عارف انك ممكن تضربينى
او تضربى حمزه

wael said...

اعترض ان مبارك عنيد او مغرور
مبارك شخص يتمتع بغباء سمحله انه يقعد على كرسي الحكم 30 سنه يحكم بغباء وبدون اي نظره شعب اغبى منه عشان سابه الفتره دي
لنا الله
يارب 6 ابريل يبقى خطوه

أحمد عبد الفتاح said...

علينا السعى.. والتوفيق انما هو من الله
وهو تعالى يحاسبنا على السعى وليس على النجاح

عبدالرحمن فارس said...

والله جميل جدا انك كتبتي عن الموضوع دا

انا عن نفسي اتفاجأت بدا

محبتي

عبدالرحمن فارس said...

تسعدني زيارتك هنا

مدونة لساني هو القلم

www.chabfares.arwp.net

micheal said...

أنا عن نفسي مضرب تلقائيا لاني عاطل
:)
يا رب فعلا الموضوع ينجح يا حنان
تحياتي

Mkjwe said...

اتمنى ان الموضوع ينجح فعلاً زي ما بتقولي يا حنه وهدف هذه الحملة او ما اسميها اناانتفاضة مصرية تعم بفائدة علينا كلنا وعلى الشعب المصري المطحون
تحياتي لكي بالعطور الفرنسية

حنة said...

يا مريم انا كمان مش ضد الاضراب .. ومن اشد المتحمسين له كمان انا من عشاق فيلم
fight club
واتمنى ألا تكون هذه هي الحالة في مصر ، فالفيلم كان يتحدث عن العنف .. لا عن الرغبة في التغيير ، واذا فعلا طلعنا في اضراب غير محدد الهدف وغير مخطط فنحن بصددالذهاب الى حالة فوضى
انا خاييفة فعلا لأن الناس معلقة امال كبيرة على اليوم ده واذا لم تتحقق سحدث احباط كبير
هذا فقط ما اردت قوله والتأكيد على وجود خطوات تنفيذية
وائل .. مبارك عنيد ومغرور وغببي برضه وانا معك اتمنى ان يكون يوم 6 ابريل خطوة
احمد عبد الفتاح .. اذا لم يكن علينا ادراك النجاح فنحن نسعى نحو الهاوية .. فقط اعقلها وتوكل
اما اصدقائي الذين لا يعملون وهم مضربين تلقائيا وانا منهم ومحم ومايكل فأقول لكم . التظاهر هو الحل .. انا خطتي الذهاب للمظاهرة ان شاء الله

رئـــــيسـة حزب الأحلام said...

السلام عليكم
اتمنى النجاح لهذا الاضراب

Ahmed Al-Sabbagh said...



أنا ليه هعمل الاضراب ؟؟


لما الفسـاد وقــّـفوه حـارس على وطنى
ولهيب الغلا كوانى .. وحتّ ف بدنى
لما الحرامى سرق منى اللقمة والميه
وسرق هدوءى وسكنى .. حتى من سكنى
لما الحلم حتى اتسرق .. من يومى .. من زمنى
لما النظام نسج - فى عز الشباب - كفنى
أنا قلت هعلن العصيان
فى يوم حزين مـَدنى

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما سألت عالعيش .. قالوا مفيش
وقالو العيش على الأبونية
وسألت عالزيت .. وعزّيت
لما عرفت إن الزيت بتسعة جنيه
وسألت على حديد البُــنا
قالوا الحديد .. خلاص فى كرش البيه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما البشر والحجر
ووادى النيل ببنى أدمينــــه
لما زمان الوطن بايامة وشهورة وسنينه
لما الصغير والكبير
قالوا كفاية مش عايزينــة
كفاية علينا حكم سنين
تخرج الواحـــــد من دينـه

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم


لما المبيد صبح سرطان
يهرى ف ارضنا .. فى الزرع .. فى مواطن
لما بؤ الميه صبح وسخ داكن
لما خرب الاقتصاد .. واحد على تلـّـــهَ
قاعد وشارب وواكل وساكن
لما الشباب بيصرخ .. فى ذل ومهانة
ولا شغل ولا توظيف ولا شقة ومساكن

انا قلت هعمل الإضراب
ولم الدنيا والعالم
فى يوم ابيض على المظلوم
اسود كئيب على الظالم

تحياتى
أحمد الصباغ


Unknown said...

يا عنى اهى طريقة سلمية فى التعبير الناس مكبوتة و تعبانة و ما فش فى اديها حاجة تعملها

ع العموم انا قعدت لما نشوف ايه الى حيحصل

شقاوة شعب said...

ادينا انهاردة فى يوم الاضراب
وفعلا الناس كلها قاعدة فى بيتها ..احنا عندنا انهاردة شوارع اسكندرية فاضياااا

انا شايفة ان مش مهم نتيجة الاضراب الرسمية
يعنى مش عايزة منه ان انهاردة مبارك ينزل عليه الحنية ويغير سياساته بين يوم وليلة
لكن على مستوايا الشخصى كان نفسى من الاضراب ده ان الشعب يفوق ويصحى من غيبوبة السلبية اللى كان عايش فيها
ويبدأ يشارك وتتوحد جهوده

دى مقدمة امل كبير فى التغيير

تحياتى
شيماء

محاولة لكسر الصمت said...

لن يجد نفسا طويلا.........اسمحيلي اقولك ان احنا ما كانش عندنا نفس أساسا....مش بس نفس طويل...أهو..عدى ستة ابريل..من غير حتى مايرحل صاحب طابونة العيش اللي جنبنا اللي بيفتري على الناس....مش يقولوا يرحل مبارك

عروسة ننوسة said...

تعرفى كلامك صح وهايل بس كلام كتير منا بيخاف ومش هيقدر يعمل حاجةو لو كلنا ايدينا فى ايد بعض فعلا نقدر نعمل حاجة
ونكون ايجابين